Ostera ere kanpora irteteko
beharra dugu, izan ere, 2010eko maiatzean eta 2012ko ekainean Udalarekin
egindako batzarren ondoren, duela 4 urte luze, eta DAZ-en ekinaren ekinez,
Hirigintza batzordeak idatzizko erantzuna eman digu orduko eskakizunen gainean.
Hala ere, ez diete soluziorik ematen gure elkartea sortu zenetik, duela 11
urtetik hona, agertu diren arazoei.
Beraz, hedabideengana jo behar izan dugu, badirudi
hori dela auzokideen ahotsa entzunarazteko modu bakarra.
Gaur egun konpondu barik ditugun arazoak urte
hauetan izan ditugun berberak dira:
-
Igogailuak: alde zaharreko eraikin
gehienak zaharrak direnez, ez dago igogailurik. Azaroa larriagoa da, auzokide
adineko asko bizi da-eta. Eskatzen dugu Udalak baliabideak eskaintzea
interesatuta dauden komunitateei, administrazioko araudia zein den ezagutu
dezaten eta, horrela, igogailua instalatzeko
beharrezko azterketa teknikoak egitea bideragarria eta errealagoa izan
dadin. Beharrezkoa da igogailuak ezartzea bideratuko duen azterketa eta araudi
bat egitea. Ez dakigu zein egoeratan dagoen PERCH plana (Alde Zaharra
birgaitzeko plan berezia)
-
Karkabak: batzuk baino ez dira
konpondu. Badakigu ez gaudela egoera ekonomiko onenean denei aurre egiteko,
baina hori ez da oztopo bat ondo erabili daitezen eskatzeko: garbitasuna eta altzariak
eta bestelako trasteak kentzea, batez ere, larrialdietarako bideak direlako eta
hainbat zerbitzu (ura, gasa, argindarra) bideratzeko ere bai. Ebakuazio bidea
ere izan daiteke.

-
Zaborrak: agerian utzi nahi dugu zaborrontziak
txarto erabiltzen dituztela auzokide, merkatari eta ostalari batzuek, eta
beraz, zuzendu egin behar dute. Udalak, bere aldetik, araudia betetzeko exijitu
behar du. Erabilera oker hori birziklatze katea apurtzen ari da. Baina edozelan
ere, lurpean dauden egoera txarreko zaborrontziei dagokienez, ez da konpondu
gune beltzetako arazoa, beraz, mantenua egiteko kontratatuta dagoen enpresari gune
beltz horietan sortzen diren azaroak konpontzeko exijitu behar zaio, eta horixe
izan behar da kontraturen oinarrizko baldintza. Halaber, azpimarratu nahi dugu
lurpeko zaborrontzien ingurua, barrukoa zein kanpokoa, garbi izan behar
dela.
Kalea garbitzeko makina: ezinbestekoa da
erabiltzea, baina garbitasuna egiten duen enpresak aztertu egin behar du zarata
zelan gutxitu, goizean goiz zarata handia entzuten da-eta.
Halaber, garbitasunaren araudiaren
aspektu guztiak bete behar dira, eta Udaltzaingoak egin behar du horren
jarraipena.
Zoru
labainkorra: zoritxarrez, gero eta berri gehiago iristen ari zaizkigu Alde Zaharrean
izaten diren erorketei buruz. Adibide moduan, azken osoko bilkuran, andre bat
sartu zen aretoan zelan jausi berri zen kontatzera.
-
Zaraten mapa: egin barik dagoela
erantzun digute, eta ez da egia. Zaraten mapa, Udaleko Agenda 21ek proposatuta,
IMAEk egin zuen 2008an. Borondate politikoa falta izan da neurri zuzentzaileak
aplikatzeko. Auzokideek ipinitako kexek ez dute erantzunik, araudia ez da
betetzen eta udal administrazioak ez du beteko denik bermatzen. Auzokide asko babes
barik sentitzen dira zaratari buruzko araudia aplikatzen ez delako, eta
administrazioak ez du hura betearaztea bere gain hartzen, ezta arazoa
konpontzeko bitartekorik ipintzen ere. Denboraz, agerian geratu da ez dagoela benetako
borondate politikorik. Araudia onartu zen eta han geratu zen, paperean, eta
udaltzaingoak oso jarrera epela erakusten du betearazi behar denean.

-
Terrazak: egokitutako espazioa
baino gehiago okupatzen dute eta, leku batzuetan, oztopatu egiten da zenbait
jarduera egitea, esaterako umeak jolastea. Terraza batzen denean, araudiak
ezarritako ordutegia bete behar da eta kontu handiz ibili atera daitekeen
zaratarekin. Terrazak aisialdirako elementuak dira, beraz, ez dira
lehentasunezkoak, izan ere, udaleko akzioaren bat ikusita, nahitaezkoak direla
dirudi.
-
Zirkulazioa: ez da behar den moduan
errespetatzen kaleetako zirkulazioaren noranzkoa (baliteke seinaleak falta
izatea). Bestalde, oinezkoen segurtasuna bermatzeko, bizikleten eta patineteen
erabilera zorrotz kontrolatu behar da.
-
Herritarren segurtasuna: udaltzainen presentzia
gutxiegia da, erabat, bai egunez bai gauez, bereziki.
Udaltzain arrastorik ez dago Alde
Zaharrean, eta auzokide askoren iritziz, eraginkortasun eza nabaria da.
Benetako protokolo publikoak
batzen dituen plan bat egin beharko litzateke, hedabideekin batera, araudia
betearazteko auzokideen eskubideak urratzen dituzten aspektuak, zaratak,
delinkuentzia eta ekintza bandalikoak ematen diren kasuen aurrean.
Udalak herritar banakakoari uzten
dio, ustez, delitu ekintzak salatzeko ardura. Guk ordea, uste dugu Udalak berak
jardun beharko lukeela ofizioz. Zergatik egin behar du herritarrak salaketa
Udalaren obligazioa ofizioz jardutea bada?
Azpimarratu gura dugu
araudiak/ordenanatzak bete beharreko udal legeak direla, eta Udalak berak landu
eta onartu dituela.